Që prej shfaqjes së rasteve të para në vendin tonë të personave të prekur me Kovid -19, janë shtuar në masë edhe lajmet e rreme, fotot dhe videot e rreme të shpërndara masivisht në rrjete sociale, si mjet përfitimi në kohën e pandemisë. Shpeshherë këto lajme të rreme “japin këshilla” se si duhet të luftojmë koronavirusin, si për shembull të përdorim hudhra, uthull, sodë, raki etj,. Këto lajme sensacionale të përhapura që prej muajit mars përveç përfitimit kanë për qëllim dhe manipulimin e qytetarëve në këtë kohë krize. Në një situatë të tillë lufta ndaj COVID-19 është po ashtu luftë ndaj dezinformimit. Lidhur me këtë, Faktoje është një organizatë mediatike, ku prej datës 2 prill ka nisur fushatë njohjeje dhe ndërgjegjësimi kundër dezinformimit, duke publikuar video me anë të të cilave mund të verifikosh një video apo foto dhe se çfarë duhet të bëjnë njerëzit në një situatë të tillë për të mos shpërndarë lajme “fake” të pavërteta, në rrjetet sociale lidhur me Covid – 19 dhe jo vetëm (kujtojmë këtu fotot dhe lajmet për tërmetin vitin e shkuar). Lidhur me këtë më gjatë folëm me drejtoreshën ekzekutive Klodiana Kapon.