Wake Up/ Shqipëria me nivelin më të ulët të dijeve të marra në shkollë.Pandemia, përkeqësoi situatën

Shqipëria renditet nga vendet më të prekura në botë për shkak se arritjet e saj në arsim janë të dobëta edhe pa pandeminë. Në një indeks për vitet arsimore të përkthyera në cilësi, Shqipëria dhe Bosnja renditen nga Banka Botërore me nivelin më të ulët të dijeve të marra nga arsimi i lartë. Arsimi lartë përkthehet në vetëm 0.66 vite dije në Shqipëri (për rezultatin mesatar të standardizuar të cilësisë për arsimin e lartë, Banka Botërore mori në konsideratë rezultatet e cilësisë në secilën prej gjashtë renditjeve më të mira të universiteteve). Në Turqi dhe në vendet e Ballkanit Perëndimor, indeksi i cilësisë së dijeve në arsimin e lartë është mbi 0,81 vite. Ndërsa në vendet e BE, ky indeks është 1.38 vite. Hendeku i cilësisë arsimore në Shqipëri është 40 për qind në raport me vendet perëndimore.