Në një kohë që të gjithë janë përqendruar te plazhi dhe turizmi i detit, pakkush kuptohet për pjesën tjetër të turizmit, apo atë që quhet ndryshe Ekoturizëm: Bujtinat, agroturizëm, guidat lokale etj. Ekoturizmi përfaqëson një udhëtim të përgjegjshëm mjedisor dhe vizita në zona natyrore të padëmtuara, për të gëzuar dhe vlerësuar natyrën (edhe objekte kulturore të së shkuarës dhe të tashmes) që promovon ruajtjen, minimizon ndikimin negativ të turistëve dhe ofron aktivitete dobiprurëse social-ekonomike për popullsinë lokale”. Edhe pse është një dukuri relativisht e re në Shqipëri, ka nga ata që e dashurojnë këtë lloj turizmi dhe çdo fundjavë u drejtohen zonave të ndryshme në Shqipëri për këtë turizëm. Por pandemia duket se ka goditur rëndë edhe këtë lloj turizmi, i cili për nga vetë natyra e tij mund të jetë gjithëvjetor në Shqipëri.