"Miss Julie" është shfaqja e fundit që do të jepet në Teatrin Kombëtar Eksperimental "Kujtim Spahivogli" në datat 29 shkurt-1 mars. Kjo është një vepër e shkruar në 1888 nga August Strindbergut e cila vjen për publikun shqiptar me regji të Kiҫo Londos. Kjo shfaqje përmban një larmi tematikash dhe ngjarjet ndërthuren midis seksit dhe vdekjes, pasurisë dhe punës, bukurisë e kaosit. Julie (Laura Nezha) është një grua e vetmuar, impulsive dhe me një natyrë demoniake, e vetëdijshme për bukurinë e saj të jashtme dhe pozitën e saj shoqërore. Jean (Vin Bejleri) është në rolin e karrocierit zezak të babait të Julie. Ai ka një trup të palestruar dhe është tërheqës e në të njëjtën kohë ai është i dashuri i shërbëtores braziliane, Kristine (Adriana Tolka). Të tre këta aktorë formojnë një trekëndësh dhe mes tyre ka tension, forcë dhe emocione të forta. Më konkretisht mes Jean dhe Julie lindin disa shkëndija dhe ata e kanë të vështirë që t'i rezistojnë njeri-tjetrit. Julie si natyrë është gjithmonë në kërkim të gjërave të reja dhe teksa e hedh vështrimin mbi Jean, ajo kupton se sa ambicioz është ai. Të dy vendosin që të arratisen, të ikin larg e të hapin një hotel por në një moment e kuptojnë se kjo gjë është e pamundur. Miss Julie e gjen veten pa asnjë shpresë për të ardhmen e saj, duke u ulur deri në nivelin e shërbëtoreve. Bukuria dhe vdekja ndeshen gjithmonë në betejën e saj të brendshme dhe ajo nuk ka më asnjë shpëtim nga vdekja. Ervin Bejlerin, kishim sot në studio një nga protagonistët që i ka trazuar ndjenjat jo vetëm shërbëtores por edhe pronares, i cilina tregoi detaje nga vepra dhe vënien e saj në skenë.