Sherjana Ruҫi ka një karrierë prej më shumë se 12 vitesh si peshëngritëse pasi e ka nisur këtë sport që në moshën 10-vjeҫare. Prej tre vitesh ajo është shkëputur nga garat për shkak të një dëmtimi të muskujve. Por nuk është ndarë asnjëherë nga ky pasion i saj i madh, që e cilëson edhe si një dashuri të dytë (pas asaj për partnerin). Ajo është instruktore e 120 meshkujve në palestër dhe po ashtu punon edhe si trajnere e peshëngritjes. Sherjana vjen nga një familje sportistësh, pasi mamaja e saj ka qenë volejbolliste, babai sportist dhe vëllai peshëngritës. Kjo gjë ka bërë që ajo që lidhet ngushtësisht me sportin që në fëmijëri. Ajo që të bie më shumë në sy në Instagramin e saj janë fotot provokuese dhe linjat e theksuara trupore, gjë që nuk ndodh shpesh ta shikosh tek vajzat që merren me ngritje peshash.