Nëse për dikë që jeton në qytet është më e lehtë për të marrë një shërbim publik, për shumë të tjerë që jetojnë fshatra, apo në zona ku nuk ka zyra të shtetit, shërbimi publik që ata kërkojnë bëhet shumë i vështirë, duke ju sjellë kosto financiare por edhe duke ju marrë kohë nga aktivitetet e përditshme. Ndaj për këtë arsye është menduar që shërbimet publike kësaj kategorie, t'i ofrohen tek dera e shtëpisë. Mos u habisni kur në zonën ku ju jetoni të shihni një fugon me logon ADISA (Agjencia e Ofrimit të Shërbimeve Publike të Integruara) i cili luan rolin e një zyre shteti, sporteli, ku ju mund të kërkoni informacion apo të aplikoni për shërbime duke nisur që nga tatimet, pagesat për ndihmën ekonomike, aftësinë e kufizuar etj), pensionin, shërbime që lidhen me Aluiznin por mund të aplikoni në këtë sportel lëvizës edhe për shërbimet që ofrohen nëpërmjet portalit e-albania. Por si ka qenë impakti i parë me njerëzit që i janë drejtuar zyrës lëvizëse të ADISA-s dhe se si do të zbatohen në terren i gjithë ky proces.