Këngëtarja e re Rrezarta Bojaxhiu promovoi sot në "Wake Up" këngën e saj të parë në gjuhën shqipe me titull "Ma s'shumti n'botë". Ky projekt është realizuar në bashkëpunim me emra të mëdhenj, me muzikë të Armend Rexhepagiq, tekst të Aida Barakut dhe me producent Ylli Limanin. Nuk e kam pritur kaq shumë komente pozitive, është e vështirë sepse në përgjithësi ka shumë njerëz që komentojnë negativisht."-u shpreh Rrezarta. Rrezarta ka lindur dhe ka jetuar në Islandë e më pas në Zvicër e Kosovë. "Ishte dëshira e prindërve që të bëja një këngë në shqip dhe në Shqipëri, në vendet më të bukura si Vlora dhe Tiranë."-tregoi Rrezarta. Pak muaj më parë ajo u vlerësua në “The Voice Kids Germany” me këngën “Nessun Dorma” të Luciano Pavarotti dhe arriti në gjysmëfinale. Ndërkohë më datë 27 tetor këngëtarja e re do të publikojë në "I Tunës" këngën e saj të re "Someone you love".