Ethet e të rinjve që janë maturantë dhe që vitin e ardhshëm pritet të ulen në auditorët e universiteteve kanë nisur . Vetëm pak ditë më parë , Ministrja e Arsimit, Besa Shahini ka nxjerrë urdhrin për rregulloren e maturës shtetërore 2020. Një dokument i cili parashikon që të nisë menjëherë puna për mbarëvajtjen e këtij procesi të rëndësishëm dhe nga ana tjetër në këtë rregullore ka edhe risi përsa i përket masave penalizuese si për maturantët që thyejnë këtë rregullore por edhe për ata mësuesit( administratorët) që do të mbikqyrin të rinjtë gjatë zhvillimit të testimeve. Rastet e publikuara nga provimet e maturës së viteve të kaluara, kanë dëshmuar se ka pasur raste të kopjimit nga ana e të rinjve por edhe teza të publikuara gjatë zhvillimit të testimit, si ishte rasti i tezës së matematikës gjatë vitit 2018 që u publikua në kohën që të rinjtë po zhvillonin testimin. Për të shmangur këtë fenomen, ministria e arsimit ka vendosur disa rregulla edhe më të ashpra . Për këtë rregullore do të flasim sot me drejtorin e Drejtorisë së Vlerësimit: Agim Alia