Mëngjesin e sotëm në “Wake Up” ishin të ftuar Renis Gjoka dhe Dj Vin Veli të cilët pasditen e djeshme publikuan bashkëpunimin e tyre “Melodi”, këngë për të cilën kanë filluar të punojnë disa muaj më parë, që në muajin shkurt. Vin Veli u shpreh se demon e parë Renisi e pëlqeu shumë dhe që të dy ndamë detyrat përkatëse. Nga ana tjetër Renisi u shpreh: “Kisha dëshirë të eksperimentoja dhe gjithë këtë periudhë do bëj këtë gjë dhe ku ka më mirë që ta fillosh me një Dj si Vin Veli. I thashë Vinit çfarë kërkon nga unë, duke qenë se ti e njeh më mirë këtë terren. Unë bëra tekstin dhe vijën melodike dhe vula i takonte Vinit për më tej”.