Wake Up/Redi Jupi: Nga cilat kërkesa duhet të heqin dorë Liga dhe Qeveria që t’i jepet fund bojkotit

Redi Jupi ishte i ftuar sot në "Wake Up" për të folur lidhur me angazhimet e tij dhe për situatën e bojkotit në futbollin shqiptar. Sipas tij ne u penalizuam nga pandemia dhe tani duhet të ishim duke zhvilluar ndeshjet sepse të gjitha kampionatet po zhvillohen. "Nuk janë vetëm 10 ekipet e Superligës të cilat me gjithë staf bëhen rreth 500 vetë. Ndërkohë futbolli shqiptar ka rreth 17 mijë njerëz të cilëve iu është ndërprerë aktiviteti për shkak të bojkotit"-u shpreh Redi Jupi. Ai tregoi se kërkesat e Komitetit të Futbollit janë të drejta por duhet një diskutim sepse nuk është moment pozitiv edhe për qeverinë për të siguruar të ardhurat."Të dyja palët duhet të bëjnë nga një hap. Ligjin e sponsorizimit duhet ta mbështesë qeveria. Ndërsa taksimi i rrogave të lojtarëve të huaj duhet të rregullohet nga ekipet."-u shpreh Redi. Ai pranoi se pretendimet e futbollit janë të drejta por duhet pak kohë dhe nëse bien dakord ligji do 3-4 muaj që të miratohet.