Një nga mjetet më të mira për t’i paraprirë sëmundjes është vëzhgimi i vetvetes. Shumica prej nesh e kuptojnë kur një situatë është e rrezikshme. Nëse instinkti apo intuita juaj ju thotë se është serioze, atëherë duhet t’i drejtoheni Urgjencës. Është gjithmonë më mirë të tregoni një kujdes të tepruar kur bëhet fjalë për shëndetin, sesa ndonjëherë të bëheni mjekë të vetvetes, apo të dëgjoni të afërmit për mjekime popullore apo me mjete rrethanore. Por cilat janë rastet kryesore kur duhet t’i drejtohemi Urgjencës? Cilat janë sëmundshmëritë që fshihen pas këtyre simptomave? E diskutuam sot me Dr. Areti Pojani, drejtuese e Urgjencës në Spitalin Amerikan 1.