Rihapja e vendit e shoqëruan me rinisjen e shërbimeve në institucionet publike duket se është shoqëruar me radhë të gjata të pritjesh të qytetarëve pranë sporteleve. Kjo ka ndodhur me qytetarët e Elbasanit, të cilët ditët e fundit kanë pritur pranë sporteleve të zyrave të gjendjes civile, për marrë shërbimet e munguara gjatë periudhës 2 mujore të izolimit. Celebrimi i martesave që është ndaluar gjatë kësaj periudhe, tashmë është një shërbim që po ofrohet dhe kjo duket se ka qenë me interes për qytetarët e Elbasanit, ndërkohë që fluks kërkesash ka pasur edhe për regjistrimin e fëmijëve që kanë ardhur në jetë gjatë kësaj periudhe. Por si po menaxhohen këto radhë pritjeje, të cilat mund të bëhen dhe burim për përhapjen e mëtejshme të infeksionit KOVID-19? Kujtojmë se qyteti i Elbasani është zonë e gjelbër që prej javës së parë në majit.