Xhesika Polo ishte e ftuar sot në "Wake Up" për nismën e saj më të re, një fondacion bamirësie në ndihmë të vajzave dhe grave të prekura nga sëmundja e kancerit. "Që kur u qetha zero mendova për të hapur fondacionin. Bukuria nuk vjen nga flokët, u ndjeva më e bukur dhe më e lehtësuar."-theksoi Xhesika. Ajo shtoi se shoqëria jonë është ksenofobe dhe mori edhe shumë reagime negative. Por po ashtu mori mesazhe nga vajza që kanë pasur probleme me sëmundjen. "Nuk jam fanse e parukeve. Ka shumë gra që janë duke e kaluar tani këtë sëmundje."- tha ajo duke i ofruar mbështetjen. Të gjithë ata që duan të kontribuojnë mund ta bëjnë online. Xhesika është në bisedime me disa biznese në mënyrë që të bashkëpunojnë dhe fondet të shkojnë tek ata që kanë nevojë për më shumë kujdes dhe ndihmë. "Lekët nuk kalojnë fare tek unë. Dua të jem larg paragjykimeve dhe abuzimeve."-përfundoi ajo.