EMDR Albania, një organizatë jofitimprurëse psiko-terapeutësh dhe psiko-traumatologësh, prej ditës së dielë ofron falas në skype për çdo person që ka nevojë për një psikoteraupet në këto ditë të vështira vetizolimi. Të njëjtën gjë ka bërë edhe Shoqata e Psikologëve të Shqipërisë, e cila ka formuar ekipin e psikologëve që edhe ata ofrojnë këshillime dhe mbështjetje psiko-emocionale online. 10 psikologë të specializuar të EMDR Albania në Psikologjinë Emergjenciale janë të gatshëm të mbështesin prindërit dhe çdokënd tjetër që po has vështirësi për të menaxhuar reagimet emocionale të ditëve në izolim. Ne sot në një lidhje skype me Besarta Taçi, Presidente e Psikotraumatologëve realizuam një terapi live nga studio e Wake Up. Dëgjojeni sepse do t'ju ndihmojë jo vetëm ju por dhe nënat dhe baballarët që me sa duket e kanë të vështirë ti mbajnë mbyllur fëmijët e tyre për një kohë të gjatë.