Ngjarja tragjike të spitali “Shefqet Ndroqi”, ku një 52-vjeçar i dha fund jetës duke u hedhur nga kati i katërt, ishte e treta në katër muajt e fundit. Ndërkohë dje një 77 vjeçar është hedhur nga kati i 3-të i pallatitvetëm pak ditë pasi kishte dalë nga spitali ku u kurua nga COVID-19. Sipas specialistëve të shëndetit mendor edhe kjo ngjarje i atribuohet ngarkimit psikologjik nën kushtet e rënduara nga sëmundja e COVID-19. Megjithëse aktualisht nuk ka të dhëna domethënëse shkencore që të mund ta tregojnë qartë ndikimin direkt të sëmundjes me prirjen për vetëvrasje, gjithnjë shtrojmë pyetje: Sa të mbështetur janë pacientët me koronavirus nga psikolgët? Dr.Valbona Treska, Presidente e Urdhrit të Psikologut tha se COVID-19 përpos efekteve fiziologjike që ka sëmundja ka dhe efekte shumë të fuqishmepsikologjike. Është një sëmunjde e frikës dhe e ankthit. "Për aq kohë që nuk trajtohen karahas aspekteve fiziliogjike të sëmundjes dhe ato psikologjike do të thotë se i kemi dhënë pacientit një trajtim të cunguar. Personat që janë të infektuar me COVID-19 kanë nevojë për një mbështetje emocionale. Trupi e ka të vështirë të luftojë fizikisht infeksionin kur është i frikësuar. Jemi në kushtet që nuk mund të japim më trajtim të cunguar por një trajtim të plotë duke përfshirë dhe atë psikologjikisht"- tha psikologia Valbona Treska.