Për pacientët që janë në gjendje të rëndë nga Kovid-19, në New York ku tani është dhe numri më i madh i rasteve në terapi intensive që prej të premtes së kaluar po përdoret një metodë, ku pacientët po kthehen përmbys sepse sipas mjekëve Northwell Health kjo mënyrë ndihmon në rritjen e sasisë së oksigjenit që arrin në mushkëritë e tyre. Kjo metodë u aplikua për herë të parë në Itali në fakt dhe rezultoi e suksesshme. "Kjo është një teknikë shumë e vështirë për t'u realizuar. Ne fatmirësisht në spitalin tonë nuk kemi pasur raste kaq të rënda sa të përdorim këtë metodë në pozicion barkas. Nga të parët që ka publikuar përmirësimin e pacientëve me probleme të rënda të oksigjenimit duke përdorur metodën e kthimit përmbys të pacientëve është në Itali. Kjo metodë është shumë efikase pasi është konstatuar se me pacientët e infektuar rëndë me Kovid-19 oksigjenimi i gjakut është problemi më i madh dhe ndërrimi i pozicionit pra kthimi i pacientëve përmbys dërgon më shumë oksigjen në mushkëri. Por duhen shumë persona për ta kryer këtë dhe do një teknikë të veçantë, dhe sinkronizim të të gjithëve".