Pse fëmijët janë më pak të prekur nga KOVID-19 dhe paraqesin simptoma klinike më të lehta? Dr.Gjeorgjina Kuli-Lito, shefja e Infektivit të Pediatrisë thotë se janë ngritur disa hipoteza edhe pse asnjëra nuk është e vërtetuar. "Është hedhur një hipotezë që fëmijët si grupmoshë afër vaksinave i bën ata që të kenë një kujtesë imunitare më të përditësuar përsa i përket infeksioneve në përgjithësi jo imunitet specifik ndaj KOVID. Nga ana tjetër meqë ky virus lidhet me receptorët ACE2 është parë se këta fëmijë kanë disa veçori strukturale të këtij receptori; e para kanë shumë më tepër sesa të rriturit dhe nëse bllokohen disa, të tjerët vazhdojnë funksionin normal në organizëm dhe nga na tjetër funksioni në to është shumë primitiv, pra nuk kanë atë rol të madh që luajnë te të rriturit. Janë disa hipoteza që diskutohen mes mjekëve pediatër, por është fakt që fëmijët preken shumë pak dhe me simptoma të lehta"- tha Dr.Gjeorgjina Kuli-Lito