Pse COVID-19 disa pacientë i prek më rëndë e disa më lehtë?! Sipas Prof.Dr Andi Koraqi, ky është një virus relativisht i ri dhe është ende herët për të thënë se ku e ka pikën e tij të fortë. Por nga an tjetër sipas tij ky virus ka diçka karakteristike në dallim nga koronaviruset e tjerë. "Ky virus bën një skaner të gjithë trupit dhe nxjerr në pah apo gjen ato pikat e dobëta të organizmit tonë. Pavarësisht se ti vetë nuk e di fare se e ke atë pikë të dobët por ky virus ta nxjerr në pah dhe vepron pikërisht në pikën më të dobët të organizmit tënd"-shpjegoi Koraqi, i cili tha se situata e pandemisë do të rëndohet në dimër kur të jenë në qarkullim edhe virozat stinore.