Wake Up/ Premtojnë organizatorët: Në “Latin Dream Albania” kërcen por gjen edhe dashurinë e jetës

Të gjithë ata që i pëlqejnë kërcimet latine dhe që duan t'i kërcejnë mund të marrin pjesë në një aktivitet argëtues që do të zhvillohet sot dhe nesër në Tiranë. "Latin Dream Albania" është emri i këtij aktiviteti që do të sjellë për herë të parë në Shqipëri një numër të madh të kërcimtarëve të muzikës latine. Ҫiftet e balerinëve që do të performojnë janë profesionistë që vijnë nga Italia, USA, Spanja, Rusia, Suedia, Turqia, Kuba dhe Kolumbia. Motoja e këtij eventi është "Any body can dance", duke iu dhënë një mesazh të gjithëve për faktin se aty ku ka pasion gjithҫka është e mundur dhe inperfeksionet tona na bëjnë të veҫantë. Për të gjithë të interesuarit hyrja do të jetë e lirë. Vitet e fundit duket se edhe tek ne ka një interes të shtuar, veҫanërisht nga të rinjtë për të marrë pjesë në mbrëmje të muzikës latine. Madje ka shumë ҫifte ose jo që regjistrohen në kurse në mënyrë që të jenë sa më korrektë në lëvizje. "Përveçse mësojnë kërcimin latin shumë prej të rinjve që kanë ardhur nëkëto kurse kanë gjetur dhe dashurinë e jetës dhe janë martuar. Kemi shumë raste të tilla" tha : Joan Hasanmema, instruktor i kërcimeve latine, organizator i "Latin Dream Albania"