Në të gjithë rajonin e Evropës dhe Azisë Qendrore, 55 milionë adoleshentë përbëjnë midis 14 dhe 24 % e popullsisë së vendit të tyre. Sot,shumë prej tyre luftojnë për të gjetur një vend për vete si qytetarë aktivë dhe produktivë për anëtarët e komunitetit të tyre. Ndërsa hyjnë në moshën e rritur dhe shohin pak mundësi për të bërë punë kuptimplotë dhe pak shanse për të mësuar aftësitë e nevojshme për punë në një botë të drejtuar nga inovacioni, shumë ëndërrojnë të emigrojnë për një jetë më të mirë. Disa janë në rrezik të bien pre e ndikimit dhe ideologjive që promovojnë ksenofobia, urrejtja dhe intoleranca; të tjerët mund të bien edhe në duart e bandave kriminale që i rekrutojnë ata në punë të paligjshme. Për herë të parë në Shqipëri nis nga java tjetër të zbatohet "UPSHIFT", që është një varg programatik ndërhyrjesh që UNICEF po përdor përreth botës për të pajisur adoleshentët me një numër sa më të madh aftësish të transferueshme të nevojshme për të mësuar, për t’i mbështetur ata në tranzicionin e tregut të punës dhe të bëhen qytetarë të informuar dhe aktivë. UNICEF në partneritet me ICTSlab dhe me financimin e Mbreterisë së Bashkuar UK (në kuadër të projektit Stop Human Traficking), synon të zhvillojë aftësitë dhe përvojën profesionale të të rinjve përmes ekspertëve të fushës (mentorët). Gjithashtu të ndihmohen të rinjtë që të zgjidhin sfidat shoqërore dhe kontribuojnë në komunitetet e tyre.