Koronavirusi vdekjeprurës, i cili ka vrarë qindra njerëz dhe ka infektuar mijëra të tjerë dyshohet nga specialistët se mund të jetë përhapur nga supa e ‘lakuriqit të natës’, e cila është një veçanti popullore në qytetin kinez Wuhan. Ekspertët besojnë se lakuriqët mund të luajnë rol mikpritës ndaj virusit pasi studiuesit kanë “nënvlerësuar” gjendjen, e cila është e ngjashme me pneumoninë nga virusi SARS, sipas një punimi të botuar në Buletinin e Shkencave Kineze. Pedagogu i gjuhës kineze Glendi Xhani i cili ka jetuar në Pekin për gati 10-vjet e pikërisht në periudhën kur u përhap virusi SARS tha se ka një mit që nuk është i saktë në fakt. "Në kinën që shkon më shume se 1.5 miliardë banorë është një përqindje shumë e vogël e popullsisë që vazhdon të konsumojë supën e lakuriqit të natën dhe këto në zona shumë të vogla të Kinës."- tha ai. Wuhan, duke qenë qyteti burimor i virusit, është izoluar tërësisht duke qenë se virusi vazhdon të përhapet. Qeveria po u kërkon qytetarëve që të mos largohen nga qyteti në mungesë të rrethanave të veçanta.