Ekspertët e shëndetit publik vazhdojnë të studiojnë sjelljet e virusit të ri në popullatë, ndërkohë që së fundmi Qendra Evropiane për Kontrollin e Sëmundjeve, si autoriteti më i lartë ka publikuar udhëzimin e ri që është një dokument që tregon se sa ditë duhet të rrijë në izolim një person asimptomatik, një pacient që shfaq simptoma të lehta e mesatare e deri tek ata që përjetojnë simptoma të rënda dhe që natyrisht kërkojnë trajtim spitalor. Në një lidhje "skype" me Wake Up, mjeku epidemiolog, Ilir Alimehmeti tha: "Ky është një dokument shumë i rëndësishëm, është një guidë teknike e datës 16 tetor nga ECDC, e cila në fakt i thjeshton gjërat, kështu që nuk ka asnjë vështirësi për ta përfshirë në strategjitë e çdo shteti. Madje edhe në shtetet si Shqipëria, me më pak mundësi se shtetet e tjera, sepse i thjeshton." Sipas epidemiologut ky udhëzim është një guidë e rëdnësishme dhe çdo shtet mund t’i referohet për të trajtuar pacient me Covid-19. Në rekomandimet që sapo janë publikuar citohet qartë se pas sa ditësh një person që konfirmohet pozitiv nuk është më rrezik për personat e tjerë edhe nëse tamponi i rezulton sërish pozitiv. Në rekomandimet që sapo janë publikuar citohet qartë se pas sa ditësh një person që konfirmohet pozitiv nuk është më rrezik për personat e tjerë, për ditët e izolimit që duhet të qëndrojnë këta persona, por edhe për numrin e testeve që duhet të bëjnë për tu konfirmuar si negativ. Udhëzimi i ri i Covid-19 rekomandon se: Rast asimptomatik: Mbaron izolimi pas 10 ditësh, pa pasur nevojë për teste negative. Rastet e lehta/ të moderuara dalin nga izolimi kur ka: -Zhdukje të temperaturës për të paktën 3 ditë dhe përmirësim i simptomave të tjera, -Kur kanë kaluar 10 ditë nga fillimi i simptomave ose kanë dalë 2 teste negative njëri pas tjetrit në një interval 24-orësh. Rastet e rënda dalin nga izolimi kur ka: -Zhdukje të temperatures për të pakten 3 ditë dhe përmirësim i simptomave të tjera, -Kur kanë kaluar minimumi 14 ditë deri në 20 ditë nga fillimi i simptomave ose kanë dalë 2 teste negative njrëri pas tjetrit në një interval 24-orësh.