Ashtu si u raportua nga Ministria e Shëndetësisë , rastet e konfirmuara tashmë me Covid 19 në Shqipëri kontaktuan numrin 127, që është dhe linja e urgjencës kombëtare mjekësore e vënë në dispozicion për të gjithë qytetarët që shfaqin shenja të virusit , apo që janë në gjendje të rënduar shëndetësore apo që duan të marrin një informacion. Edhe në ditët e mëparshme kjo urgjencë , ashtu si na u raportua ka pritur me mijëra telefonata nga qytetarë që kanë shfaqur shenja apo që kanë pasur panik. Por si është situata në Urgjencën Kombëtare, çfarë masash janë marrë aktualisht, dhe a jemi në gjendje për të përballuar një fluks të shtuar thirrjesh emergjente ishim sot në lidhje direkte me Skënder Bratajn, Drejtor i Qendrës Kombëtare të Urgjencës Mjekësore në Tiranë. Ai u shpreh se ka një fluks të rritur të telefonatave të cilat vijnë më së shumti nga paniku që kanë njerëzit.