Pandemia po zhduk 25 vite të arritjeve në fushën e barazisë gjinore. Këto janë të dhënave e reja globale nga agjencia e Kombeve të Bashkuara, UN Women. Gratë janë duke bërë më shumë punë shtëpiake dhe po kujdesen më tepër për familjet e tyre për shkak të ndikimit të pandemisë. UN Ëomen deklaroi se “Gjithçka për të cilën kemi punuar, këto 25 vite mund të zhduket brenda një viti”. Mundësitë për punësim dhe arsim mund të jenë shumë më të pakta dhe gratë mund të vuajnë nga një shëndet më i dobët mendor dhe fizik. 38 hulumtimet e kryera nga UN Women kryesisht u përqendruan në vendet me të ardhura të ulëta dhe të mesme, të dhënat nga vendet më të industrializuara tregojnë të njëjtën situatë. Të dhënat e raportit të UN nënvizojnë se “më alarmante është fakti që shumë gra në të vërtetë nuk po i rikthehen punës”. Vetëm në muajin shtator në SHBA rreth 865,000 gra u larguan nga tregu i punës krahasuar me 200,000 burra, dhe kjo në masë të madhe mund të shpjegohet me faktin se barra e kujdesit ka rënë mbi ato. Në Shqipëri, dy tërmetet e vjeshtës së kaluar dhe pandemia Covid-19 kanë dëmtuar ndjeshëm edhe sipërmarrjet e drejtuara nga gratë. Sipas një studimi të shoqatës “Together for Life”, tërmetet dhe pandemia ndikuan negativisht në 80 për qind të bizneseve të administruara nga zonjat. Iris Luarasi, pedagoge, aktiviste dhe Kristi Çina, president i United Nations Association Albania ndanë mendimet e tyre mbi këtë raport.