Jemi në muajt ku të gjithë mendojmë për pushimet e verës, por tashmë duket qartë se pandemia na ka prishur planet dhe për shkak të kësaj situate do na duhet t’i rikthehemi stilit të vjetër të pushimeve, kohës kur plazhi bëhej pa çadra, pa shezlong dhe mbi të gjitha me bukë me vete. Tashmë ka ardhur koha t’i themi “mirupafshim” pushimeve të luksit për të shijuar plazhin si dikur prindërit tanët me çadra me vetë dhe bukë nga shtëpia. Por sa do të arrijmë të përshtatemi me kushtet e reja të plazhit këtë vit, ruajtjen e distancës fizike, mungesës së grumbullimeve dhe festave në “beach bare”? Diskutuam me gazetaren Iva Tiço e cila në fakt i ka provuar të dyja llojet e pushimeve dhe në lidhje skype me volejbollistin dhe spikeri, Erion Zeqiraj.