Edhe pse tregu i punës zhvillohen dhe gjithnjë e më shumë zbulohen profile të reja punësimi, ata që trashëgojnë një zanat brez pas brezi nuk humbasin kurrë. Artizanati do të vazhdojë të zhvillohet edhe pse më vështirësitë e veta, sepse shpesh tregu mungon e aq më tepër edhe inisiativat promovuese. Megjithatë situata duket optimiste kur sheh që ka ende dëshirë nga brezat e rinj për të përcjellë mjeshtëri, për të cilat ne kemi aq shumë nevojë. Për ata që nuk e dinë sot në Tiranë, mbahet panairi i punimeve artizanale të thuprës. Janë 30 të rinj të komunitetit romë dhe egjiptianë që kanë udhëtuar nga Korça dhe Elbasani drejt kryeqytetit për të promovuar punimet e tyre e për të përcjellë mesazhin se punimet e traditës janë një mundësi shumë e mirë vet punësimi e pse jo një mundësi për të mbajtur familjet e tyre. Në një lidhje direkte me gazetaren Edlira Sulejmani ne biseduam me këta të rinj se nga e kanë trashëguar zanatin, dhe cilat janë bukuritë dhe vështirësitë e kësaj tradite si dhe sollëm punimet e tyre që i promovojnë në këtë panair.