Kushtet e situatës së jashtëzakonshme, me lëvizje të kufizuara e kanë detyruar dhe Operatorin e Shpërndarjes së Energjisë Elektrike (OSHEE), që të ndërmarrë disa masa lehtësuese për abonentët e saj në të gjithë vendin. Masat që janë marrë nuk kanë të bëjnë me detyrimin e abonentëve për të paguar faturën e energjisë elektrike mujore, ajo do të paguhet njësoj por lehtësitë lidhen me borxhet e akumuluara dhe më mënyrën se si do të paguhet. Nga këto lehtësi përfitojnë si abonentët familjarë por edhe bizneset. Paketa e ndihmës ekonomike vjen në një kohë kur orari i lëvizjes është i kufizuar nga ora 05.00 e mëngjesit deri në 13.00 ndaj për të shmangur edhe radhët nëpër sportele janë zgjedhur disa forma pagesash. Megjithatë për të gjitha detajet se si do të bëhet leximi i matësve në terren dhe çfarë përfshin kjo paketë në këtë situatë emergjence kishim një lidhje skype me Elton Sevranin, Administrator i Furnizuesit të Shërbimit Universal.