Turizmi ka qenë një nga sektorët që është prekur drejtpërdrejt nga situata e krijuar pas tërmetit të 26 nëntorit. Shumë rezervime janë anuluar si pasojë edhe e dëmtimeve që kanë pasur bizneset, hotelet por ndërkohë ajo që është më shqetësuese është situata e këtij sektori në të ardhmen jo shumë të largët, në verën e 2020, por ndoshta dhe më herët sepse turistët në Durrës- Golem, por edhe në vende të ndryshme të vendit janë të pranishëm në çdo kohë. Unioni turistik shqiptar së fundmi ka bërë një takim me të gjithë operatorët turistikë në vend duke nxjerrë në pah dhe problematikën dhe ka dalë në disa propozime të cilat mund të sjellin një panoramë tjetër të situatës së krijuar...