Ajo është me origjinë nga Shkodra dhe u bë e njohur për publikun në vitin 2016 kur u kurorëzua si "Miss Bjeshka", në moshën 22 vjeçare. Që prej asaj kohe Olimpia Smajlaj ka qenë jo pak prezente në ekran ku ka spikatur me zërin e saj të veçantë si këngëtare. Ndër vite ajo ka interpretuar cover-a nga më të njohurit duke i sjellë edhe me klipe herë pas here. Pak ditë më parë ajo ka publikuar cover-in e saj më të fundit që është kënga "Love&Trust" nga Shaoling Gang (Blunt&Real 1). Edhe më herët Olimpia ka sjellë në stilin e saj shumë këngë të artistëve të njohur, të cilat i publikon në kanalin e vet në Youtube. Ajo spikat mbi të gjitha për të kënduarit live së bashku me grupin e saj, gjë që nuk është pikë e fortë edhe për shumë artistë që mund të kenë vite në tregun muzikor. Po ashtu ajo është një vajzë provokuese dhe vlerësohet shumë edhe për paraqitjen e saj të jashtme. Jo më kot thonë se "me qenë shkodran, tana i ban" sepse Olimpia ka mbaruar edhe fakultetin e Shkencave të Natyrës për Biologji me mesataren 9.2.