Avokati i njohur Idajet Beqiri i infektuar me Covid-19 prej gati dhjetë ditësh tregoi në "ËakeUp" përvojën e tij me sëmundjen. Ai u shpreh se ka qenë eksperienca më e rëndë e jetës së tij." Kemi qenë të rrezikuar vazhdimisht që nga fillimi i pandemisë si pasojë e profesionit që kemi. Sallat e gjyqit janë vërtet një tmerr, pavarsisht se merr masa personale , takon shumë njerëz. Mendoj se e kam marrë vriusin në një gjyq që kemi pasur para ca javësh tek Krimet e Rënda. Në sallë ishin 38 avokatë , plus edhe të pandehurit, imagjinoni......"- u shpreh avokati. Ai tregoi ndërkaq momentin që i kishin filluar simptomat e para." Kam qënë në sallën e gjyqit, në moment ndjeva djersë të ftohta. Një këputje sikur mu fut dikush në shpirt dhe po më hiqte frymën.Po dridhesha, një dhimbje që nuk më linte të merrja frymë. Në atë moment po ndjeja sikur po ikja, duke thënë o zot më jep pak frymë.... Unë mendova se isha ftohur nga kondicioneri i makinës. Është injorancë dhe urryeshme, kur dëgjoj personalitete që dëgjoj që nuk duhet mbajtur maska. Ndërkohë bashkëshortja e avokatit të njohur, Nexhmije Beqiri e cilai ka shërbyer gjatë gjithë kësja periudhe bashkëshortit fatmirësisht nuk rezulton e infektuar por ajo u shpreh se kjo ishte përvoja më e keqe e jetës sonë si çift. Ajo u shpreh se zgjodhi të kujdesej vetë për çdo gjë , e ndihmuar edhe nga një infermiere ." U gjendëm në një situatë shumë të vështirë, situta më e vështirë e jetës sonë mbi 40 vjet. Ne jemi tipa sportivë, Idajeti nuk ka pasur probleme të shëndetit, nuk pi as cigare dhe as alkol. Si mund të shëndrrohet një njeri brenda dy ditësh"- u shpreh ajo. Ajo tregoi se gjatë gjithë kohës është kujdesur për të duke mbajtur maskë, ushqimin duke ja vendosur në distancë. Frika më e madhe për të ishte nëse Idajeti do të shkonte në spital." Fatkeqësia më e madhe është kur shkon në spital, tani i kuptoj të gjithë ata familjarë"- u shpreh ajo.