Mesditën e djeshme në gjimnazin " Janaq Kilica ' në Fier 60 nxënës u dërguan me urgjencë në Spitalin e Fierit me shenja helmimi. Kjo është hera e dytë që përsëritet e njëjta situatë brenda në këtë shkollë. Në rastin e parë vetë nxënësit kanë deklaruar se ishin në orën e biologjisë dhe se kanë ndier një aromë të rëndë jashtë ambienteve të klasës. Në fillim u dyshua për një eksperiment kimik që po bëhej në laboratorin e kimisë, ndërsa më vonë u deklarua për aromën e keqe të ardhur nga kaldajat e shkollës. Ndërkohë që për rastin e ditës së djeshme , autoritet e ministrisë së arsimit kanë deklaruar se nxënësit kanë qenë të ekspozuar ndaj një substance të padëmshme, por që irriton kanalet e frymëmarrjes, të hedhur në shkollën e mesme “Janaq Kilica”, Fier, ndërkohë që hetimet vazhdojnë. Për më tepër se si është situata , a kanë lënë spitalin apo janë ende duke marrë mjekim të specializuar kishim në një lidhje telefoni drejtoreshën e spitalit të Fierit, doktoreshë Nevila Shuke