Njomza dhe Rinor Kastrati janë një ҫift të rinjsh të martuar të cilët jetojnë në Zvicër. Prej mëse dy muaj e gjysmë ata kanë zbuluar pasionin e tyre të madh për të realizuar video me situata gazmore të cilat i postojnë në youtube ose në rrjetet sociale. Në pak kohë ata kanë marrë shumë klikime dhe pse jo janë bërë të famshëm. Njomza ka lindur në Zvicër ndërsa Rinori jeton aty prej rreth 2 vitesh e gjysmë pasi ka ardhur nga Gjakova. Edhe pse të rinj ata janë të martuar dhe kanë një kimi aq të dukshme sa të bie menjëherë në sy kur komunikon. Duket se kanë gjetur njeri-tjetrin sepse të dyve ju pëlqejnë rrjetet sociale dhe një pjesë të përditshmërisë së tyre e pasqyrojnë edhe për ndjekësit. Ata pasqyrojnë situata reale, skena të xhelozisë, lojëra me dënime, sfida të ndryshme, kërcime në Tik-Tok...etj. Përtej këtij pasioni, ata të dy punojnë në fushën e kontabilitetit.