Në prag të Ditës së Mësuesit, që është nesër, ne kemi zgjedhur një mësuese model. Shumëkush prej jush nuk e njeh, por ne na ka rënë në sy mësuese Migena Kapllani, nga gjimnazi “Kostandin Kristoforidhi” në Elbasan, për përkushtimin e saj ndaj të rinjve dhe përpjekjeve për të vendosur sa më shumë dialog me ta. Ajo është ideatore e “Schoolflix”, vlogut të parë dhe të vetëm në Shqipëri dedikuar marrëdhënies mësues-nxënës. Nisma e tyre ka pak kohë që është bërë publike në Youtube dhe synon të përcjellë realitetin nëpërmjet figurës së mësuesit dhe nxënësit, duke u shoqëruar shpesh edhe me humor.Bashkë me dy nxënëse të saj, ato thonë se kanë pasur kurajo të bëjnë diçka jo shumë të zakonshme që ka një qëllim shumë të mirë. Në “Schoolflix” do të gjeni një biseda që bëhen pa komplekse e pa shumë moralizime, mbi tema dhe shqetësime të përditshmërisë.