Dhuna ndaj fëmijëve nuk është një fenomen vetëm shqiptar. Çdo ditë në botë raportohen raste nga më të ndryshmet. Ky fenomen është bërë edhe me shqetësues sidomos në periudhën e pandemisë theksojnë autoritet. 61% e fëmijëve e adoleshentëve në Shqipëri kanë qenë të paktën një herë të ekspozuar ndaj dhunës, ndërkohë që ajo verbale arrin në shifrën 70%. Këto janë gjetjet e monitorimit nga organizata World Vision Albania e cila ngre shqetësimin se 66% e prindërve apo kujdestarëve ligjorë e konsiderojnë dhunën si mjet disiplinimi. Në shumë raste kjo dhunë vjen nga prindër që nuk dinë si tu japin zgjidhje situatave mes tyre dhe fëmijëve, nga prindër që nuk kanë informacion dhe që nuk janë të kujdesshëm ndaj ngjarjeve të ndryshme që mund t'i ndodhin fëmijës jashtë çatisë së shtëpisë. Në Tiranë ditët e fundit për të ngritur zërin për këtë fenomen dhe jo vetëm kaq, por për të sjellë shembuj konkrete situatash se si duhet t'i përgjigjen prindërit situatave të ndryshme, si të sillen me fëmijë që janë duke përjetuar dhunë nga ajo fizike deri verbale, ku kjo e fundit duket se është bërë shumë masive është ndërmarrë një nismë e quajtur " Në Labirint".