Wake Up/ Nga zemrat në rrugë e park deri tek koncerti i mbrëmjes. Si do festohet sot në Tiranë

14 Shkurti është një ditë e zhurmshme për Tiranën, e pasur nga aktivitete që nisin që në orët e para të mëngjesit. Nëse para viteve 90' Dita e Shën Valentinit nuk njihej e jo më të festohej, dekadat e fundit , dita e të dashuruarve festohet në mënyra nga më të ndryshmet. Jo vetëm në Tiranë , por edhe në rrethe të tjera të vendit, në 14 shkurt rrugët , baret dhe restorantet mbushen plot me çifte që dëshirojnë ta festojnë Shën Valentinin. Liqeni Artificial ka qenë vitet e fundit i pagëzuar si " tempulli i dashurisë" ku të rinjtë kremtojnë këtë ditën e dashurisë duke qëndruar me njëri-tjetrin dhe jo vetëm. Vitet e fundit Bashkia e Tiranës ka organizuar një sërë aktivitetesh, duke filluar nga zbukurimet në rrugët e kryeqytetit, me simbolin e të dashuruarve (zemrat) e deri tek koncertet e ndryshme që edhe këtë vit nuk do të mungojnë. Për më shumë detaje se çfarë është menduar për të dashuruarit këtë 14 shkurt, kryebashkiakun i natës për Tiranën: Rezart Cenaj na zbuloi detajet.