Njohjet dhe lidhjet mes ҫifteve kanë ndryshuar vit pas viti përsa i përket vendit ky dy persona takohen për herë të parë. Dikur vendi i njohjes ishte gjimnazi, kisha, familja, në lagje, tek fqinjët apo në vendin e punës. Këto vende ishin në trend kryesisht para viteve '90. Me kalimin e kohës njerëzit në të gjithë botën e ndryshuan mënyrës sesi perceptohet një marrëdhënie, se si ndodh takimi i parë, kontakti, bisedat...etj. Kryesisht pas viteve "90 u duk qartë që njohjet online po rriteshin me ritme të shpejta. Madje vitet e fundit janë shndërruar në një fenomen mëse të zakonshëm. Shumë njerëz njihen virtualisht, lidhen dhe e kurorëzojnë historinë e tyre duke ndërtuar edhe familje. Ndoshta në Shqipëri raste të tilla janë akoma të pakta në krahasim me vendet e huaja por pavarësisht kësaj ndodhin. Kjo, sepse njerëzit sot kalojnë orë të konsiderueshme të ditës online dhe janë në kontakt me njerëz nga e gjithë bota. Përveҫ takimeve online, po ashtu në rritje mbeten edhe njohjet në bare apo restorante.