Ata që ecin në këmbë çdo ditë në rrugët e Tiranës duhet ta kenë hasur problematikën e mungesës së trotuareve. Dhe këtu nuk flasim vetëm për rrugët kryesore, ku trotuaret janë ekzistues dhe në shërbim të tyre , por edhe për ato dytësore, rrugicat mes blloqeve të banimit ku trotuaret mungojnë ose dhe ata që janë nuk janë në funksion të këmbësore, të cilët e kanë të pamundur të kalojnë në një hapësirë që është e gjerë vetëm disa centimetra. Dhe këto trotuare i ndesh shpesh në Tiranë. Për këtë arsye, ditët e fundit në rrjetet sociale ka nisur një lëvizje nga aktivistë të shoqërisë civile" Ecovolis" të cilët bëjnë thirrje për marrjen e masave urgjente për ndryshimin e kësaj situate. Ne do të shkojmë në një lidhje direkte në një nga këto zona në Tiranë, për të demostruar mungesën e trotuareve , por edhe të atyre ekzistuese që nuk plotësojnë kushtet e duhura. Aktivisti, Ened Mato, u shpreh se ishin pikërisht nënat e reja të cilat përditë hasin vështirësi për të lëvizur me karrocat e fëmijëve ato që iniciuan këtë lëvizje duke e shprehur shqetësimin e tyre pranë aktivistëve të "Ecovolis"