Përgjatë këtyre ditëve kemi trokitur në shtëpinë e të ftuarve tanë me anë të lidhjeve skype, për të mësuar më tepër rreth ndryshimit të “rutinës” në këtë kohë distance sociale, si dhe se si po i përjetojnë këto javë. Këtë mëngjes ishim në një lidhje skype regjisori Altin Basha dhe bashkëshortja e tij, kostumografia Iliriana Basha. Ndonëse prej vitesh ata punojnë bashkë, kjo është ndër të paktat herë që dalin në një intervistë bashkë, aq më tepër nga shtëpia. "Është një periudhë e vështirë si për ne dhe fëmijët por po mundohemi t'i japim njëri-tjetrit pozitivitet. Java e parë ishte më e vështira si për mua dhe Altinin ashtu dhe fëmijët, ndoshta sepse ne të dy ishim mësuar gjithë kohës në lëvizje me punë dhe fëmijët të angazhuar me shkollën dhe java e parë e adaptimit ishte më e vështira, ishim gjithë kohës në gjendje nervash. Por duke kaluar ditët e kuptuam se kështu do të vazhdojë pak gjatë ndaj filluam të gjenim hobet e njëri-tjetrit. Unë p.sh. fillova të mësoj pak pianon kurse Altini të vizatojë"- zbuloi bashkëshortja Iliriana