Smerald Spahia është një artist i njohur dhe tepër i talentuar shqiptar, i cili prej rreth 27 vitesh e ka ndërtuar karrierën e tij jashtë vendit. Ai është koncert maestër në Orkestrën Filarmonike të Palma de Mallorca në Spanjë. Spahia, dhuroi të enjten për fëmijët e kampit të të dëmtuarve nga tërmeti, pranë stadiumit në Durrës, tinguj magjik të violinës së tij! "Faleminderit për këngën e flamurit"-ishin fjalët e zemrës që i i tha një fëmije në kamp i cili, e befasoi mjeshtrin kur i kërkoi violinën e tij që të interpretonte diçka bashkë me të e pikërisht këngën e flamurit atë 28 nëntor. Këtë herë ai ka ardhur në Shqipëri i mbështetur nga "Albanian Excellence" pasi është edhe drejtori artistik i kësaj të fundit. Plani i tij ishte që të realizonte koncertin "Lule Bore" në 60-vjetorin e këngës (Lule Bore) por fatkeqësia e tërmetit i ndryshoi të gjitha planet. Si një artist i vërtetë që është gjatë ditës së djeshme ai zgjodhi që të jetë pranë të prekurive nga ky tërmet në zonën e Durrësit, duke i kthyer për disa momente buzëqeshjen sidomos fëmijëve. Ai Për vetë atë ky ka qënë një nga momentet më prekëse, teksa interpretonte për ata njerëz që tashmë kanë pësuar humbje tepër të mëdha në jetën e tyre. Pasionin e tij për muzikën e ka zbuluar që në moshën 7 vjeçare. Ka studiuar fillimisht në Liceun "Jordan Misja" dhe më pas emigroi në Itali e Spanjë.