Arselajda Buraku është një ndër modelet shqiptare me një karrierë disa vjeҫare në New York. Edhe pse vetëm 24 vjeçe dhe ia ka dalë e vetme ta nisë nga zero dhe të arrijë jo pak suksese. Arselajda është me origjinë nga Rubiku dhe jeton prej gati 5 vitesh në Amerikë. Pak pas vendosjes në New York ajo ka nënshkruar një kontratë me agjencinë e modelingut "Muse Managment", një ndër më prestigjiozet për menaxhimin e modeleve. Së fundmi ajo ka pozuar për "Mark Jacobs", "Wildorm", "Soko Glam", Make Up Forever për "Sephora", për stilistin e flokëve të Kim Kardashian, Kylie Jenner, Ciara-s...etj. Arselajda, ndër vite ka pozuar për revista të njohura si: "Paper Magazine", "Livefast Magazine", "Schön Magazine", "I-D Magazine", "Institute Magazine", "Allure Magazine", "l'officiel Magazine"... etj. Dy vite më parë ajo ka realizuar edhe disa foto për "Elle Magazine". Ndërkohë "W Magazine" i ka kushtuar asaj një material filmik që tregon për historinë e saj si modele. "Një nga punët e mia më të vështira ishte ajo me stilistin e flokëve të Kim Kardashian, Kylie Jenner. Por fillimet e mia në Amerikë nuk kanë qenë aspak të lehta. Kam kaluar vështirësitë që çdo emigrant kalon në një vend të huaj. E kam nisur duke punuar në restorant derisa arrita këtu ku jam. Nuk është se gjithçka më është servirur në një pjatë të argjendtë"- tha Arselajda. E pyetur për planet e saj në të ardhmen nëse do ti qëndrojë besnike modelingut apo do të tentojë një karrierë të re ajo tha se në fakt ka nisur të marrë mësime katrimit. "Më ka pikasur një regjisor dhe më ka propozuar që të jem pjesë e filmit të tij. Për momentin unë po frekuentoj disa klasa aktrimi pikërisht aty ku ka qenë edhe aktorja e njohur amerikane Anne Hathaway". Me shprese shpresën se do të ecë në hapat e aktores së famshme amerikane për Arselajdën një derë tjetër duket se është hapur në Amerikë.