Skënder Brataj, Drejtorin e Urgjencës Kombëtare Mjekësore, në datën 24 mars u konfirmua nga autoritetet e shëndetësisë si i prekur me Kovid-19. Ai tashmë ndodhet në një periudhë rikuperimi por punën nuk e ka ndarë si pjesë e Task Forcës në këtë periudhë pandemie. "Tani jam mirë me shëndet, kaloi ajo pjesa më kritike, më e frikshme për këdo që preket nga Kovid-19. Ne si mjek i dimë përmendësh simptomat dhe kjo është edhe me keq sepse kur të shfaqen me radhë simptomat që ti njeh qenia humane reagon edhe në bazë të karakterit apo dhe vetë evolucionit të sëmundjes dhe është e kotë të thuash që jo nuk u tremba se nuk ka trimëri me sëmundjen sido që të jetë se në javën e parë të saj është shumë e paparashikueshme mendon se je duke u shëruar dhe mund të përkeqësohesh sidomos këto komplikacionet dytësore që kanë të bëjnë me dëmtimet pulmonare që janë dhe më të rrezikshme"- tha doktor Brataj në një lidhje skype me Wake Up.