Pavarësisht se numri i të prekurve nga koronavirusi në Gjermani vazhdon të rritet ndjeshëm, nëse bëjmë një krahasim me vendet e tjera të Evropës numri i viktimave vazhdon të mbetet i ulët. Sipas studimeve që janë bërë deri tani, vdekshmëria në Gjermani është 0.18 përqind, shumë më e ulët se Italia që ka 8.3 përqind, Kina me 4 përqind, Britania me 3.9 përqind apo Franca.Vetëm para pak ditësh Ministri i Shëndetësisë i Gjermanisë, Jens Spahn, tha se 50 mijë njerëz janë shëruar nga koronavirusi, ndërkohë që nga autoritetet është deklaruar se masat do të lehtëson hap pas hapi, por rikthimi në normalitet do të jetë ende shumë larg. Kujtojmë se Gjermania, ka qenë vendi i parë që ka nis testimet për Kovid-19 që në muajin janar, ndërkohë që në javë numri i testeve shkon në 500 mijë teste. Mosha mesatare e atyre që janë të infektuar janë 48 vjeç thonë autoritetet gjermane. Megjithatë se si është situata atje, a po respektohen masat e marra ashtu si dhe në vendet e tjera, dhe sa i mbipopulluar është sistemi shëndetësor i cili përballet me numrin e lartë të infektuarve, i cili gjatë ditëve të fundit shkoi deri në 5000 persona në ditë, kishim në një lidhje skype mjekun, Klaudio Jani, i cili ashtu si kolegët e tij janë në gatishmëri në çdo moment të ditës për ti paraprirë çdo lloj situate.