Wake Up/ Mjeku Kita Sallabanda: Njollat në lëkurë mund të jenë një shenjë e infektimit nga Kovid-19

Bazuar në raportet e hershme, Covid­19 dukej se ishte një virus i frymëmarrjes, por me kalimin e muajve studime të ndryshme po vërtetojnë se ai sulmon jo vetëm mushkëritë, por edhe veshkat, zemrën, zorrët, mëlçinë dhe trurin. Gjithnjë e më shumë, mjekët po raportojnë raste shqetësuese që nuk i kanë hasur më parë. Vragat dhe plagët në këmbë mund të jenë një shenjë e koronavirusit. Ky ka qenë dyshimi i mjekëve në Spanjë, sipas të cilëve pacientë me shenja të purpurta apo mavi në gishtërinjtë e tyre të këmbës kanë rezultuar pozitiv për infeksionin Kovid¬-19. Raste të shumta janë raportuar dhe në Itali dhe Francë, ndërkohë që sëmundja vazhdon të sundojë nëpër Evropë. Në një lidhje Skype diskutuam me mjekun e njohur neurokirurg, doktor Kita Sallabanda Diaz. "Dje unë kisha një të sëmurin tim që e kisha operuar para disa javësh dhe më dërgon një fotografi të dorës që kishte të enjtura dhe kishte disa hematoma ngjyrë blu. Dhe më pyet nëse këto njolla dhe enjtja ishte pasojë e operacionit. I thashë të shkojë menjëherë të bëjë tako mjekët. Bëri PCR dhe doli pozitiv Kovid-19"