Ekspertët thonë se mbi 70 % e popullatës së botës do të preket nga virusi Coovid-19 por që sistemi të mos bjerë në kolaps duhet që të mbahet në kontroll e gjithë situata e pandemisë. Mjeku internist dhe kardiolog, Fahri Beqaj na shpjegoi sesi po trajtohen pacientët në Gjermani dhe a janë të nevojshme masat që po merren në vende të ndryshme të botës. "Siç edhe ju e dini nuk ka një medikament specifik për ta trajtuar këtë virus. Pacientët këtu në Gjermani rastet që paraqesin komplikacione po trajtohen me antibiotikë. Ne e kemi fatin që kjo sëmundje nuk ka shpërthyer në ato përmasa si në vendet e tjera te ne. Ne kemi informacion që se çfarë ka ndodhur në Kinë apo në vende të tjera, pra ne kemi informacion se çfarë ndodhi atje. Nga ky virus do të preket mbi 70% e popullsisë. Dhe duke ditur këtë gjë ideja është që ne të parandalojmë që ky 70% të preket në të njëjtën kohë pasi sistemi shëndetësor do të futej në kolaps dhe si rrjedhojë jo çdo pacient do të merrte trajtimin e duhur. Në këtë situatë përmes kufizimit të kontakteve mund ta mbajmë nën kontroll situatën që të mos shkojmë në kolaps. Kjo po ndodh në Gjermani dhe në disa vende. Është shumë me rëndësi që distancimi social të zbatohet në përgjithësi."- tha ai