Doktori i njohur, Bilgin Sait, specialist i mjekësisë interne në intervistën e tij për Wake Up, u ndal te pasojat e mëdha që do të lërë post epidemia e KOVID-19, si tek bluzat e bardha, pacientët por dhe tek gjithsecili prej nesh. "Na pret një periudhë 1- vjeçare ku do të kemi pasoja psiko-sociale shumë të mëdha si individualisht dhe simptomatik. Ndaj është e nevojshme që pas kësaj epidemie psikologët dhe filozofët të bashkëpunojnë me mjekët për ta kapërcyer fazën e post epidemisë që do të na lërë me pasoja shumë të mëdha psikologjike, ekzistenciale çrregullime të ankthit etj. Kjo nuk përballohet dot vetëm më mendimin mjekësor por duhen angazhuar edhe psikologë, filozofë, sociologë të gjithë intelektualët sepse do të ndryshojmë komplet prespektivën. Ne do të vuajmë nga paqartësia dhe pasiguria që si pasojë kanë stresin e madh. Dhe stresi i madh është pasojë e shumë çrregullimeve dhe sëmundjeve të tjera"- tha ndër të tjera Dr. Bilgin Sait.