Shifrat e të infektuarve me Kovid-19 në qytetin e Shkodrës u dyfishuan brenda javës, duke e bërë atë qytetin e dytë më të prekur pas Tiranës. Zyrtarët besojnë se Shkodra nuk zbaton masat e distancimit social dhe atje shkelen rregullat e karantinës. Ndërsa kjo çështje është bërë edhe politike tashmë. Sipas drejtorit të spitalit të Shkodrës, Ardian Dajti si mjek dhe drejtues me përvojë, shkaku i dyfishimit të infektuarve duhet parë përtej numrave. "Rritja e numrit mendoj se është diçka realiteteve. Në opinionin tim personal shumica e atyre që etiketohen si të infektuar në fakt janë mbartës të virusit pasi deri tani nuk kanë shfaqur simptoma dhe këtu duhet të rrisim shkallën e vigjilencë që ata të mos bëhen burim për infektimin e të tjerëve. Pra është një rritje që në numër që në pame të parë duket e frikshme por jo dhe aq alarmante që të krijohet panik. Normalisht duke parë situatën kjo është pandemi dhe tek ne pasqyrohet kjo situatë pandemie. Faktikisht trendi i numrave në rang kombëtar pësoi ulje ndërkohë në Shkodër kishte rritje por ama i referohemi një fakti; shumica e këtyre janë në 3 ose 4 vatra ku janë evidentuar personat e sëmurë dhe nga testimet e njerëzve rreth tij janë identifikuar personat mbartës por që nuk kanë simptoma të sëmundjes. Rastet pozitive të identifikuara në Shkodër janë përgjithësisht brenda familjes."