Pas SHBA-së dhe Spanjës, Italia është vendi i tretë me numrin më të madh të rasteve dhe të viktimave nga koronavirus, ku përgjatë ditëve të fundit është raportuar nga autoritetet italiane për rënie të rasteve të reja, që nga fillimi i shpërthimit të këtij virusi. Sot ishim në një lidhje skype me mjeken onkologe, Alma Kasa e cila në fillim të muajin mars u infektua me Kovid -19, nga kontaktet që ka pasur në vizitat e zakonshme me pacientët të cilët marrin trajtim nga shtëpia dhe fatmirësisht tashmë është mirë. "Ky virus mendoj që ka qarkulluar në Itali që në dhjetor dhe duke qenë se unë kam qenë vazhdimisht mes pacientëve kam marrë një dozë të madhe të këtij virusi dhe ndaj dal vazhdimisht pozitiv"- tha Dr.Alma, e cila jeton prej 20 vitesh jeton në Itali së bashku me familjen e saj në Casale Monferrato, provincë e Aleksandrisë në Piemonte dhe punon në Spitalin “Santo Spirito” në Casale Monferrato, që prej vitit 2005. Për më gjatë rreth kësaj beteje me këtë virus dhe punës në vatrën e infeksionit, folëm me Dr. Alma Kasën sot në Wake Up.