Italia prej dy ditësh është shpallur"zonë e kuqe". Ka qenë një vendim i kryeministrit italian, Giuseppe Conte, i cili ka marrë këtë vendim drastik, duke marrë shkas nga numri gjithmonë e më i madh i të prekurve nga koronavirusi dhe viktimave që ka shkaktuar ai. Masat e marra nga shteti italian lidhen me shmangien absolutisht të çdo lëvizje brenda territoreve, përveç lëvizjeve të motivuara nga nevoja të punës ose situata emergjente. Kufizimet shumë të rrepta përfshijnë edhe mbylljen e shkollave të gjitha niveleve, pezullimin e aktiviteteve të ndryshme publike etj. Janë mbyllur edhe muzetë, palestrat, pishinat, teatrot, qendrat sociale dhe kulturore. Baret dhe restorantet do të jenë të hapura nga ora 6 deri në 18 dhe detyrohen të mbajnë një distancë prej një metër nga njëri klient te tjetri, në të kundërt do t’i pezullohet aktiviteti. Dekreti i quajtur nga vetë Conte "unë qëndroj në shtëpi" është një nga vendimet më drastike që është marrë ndonjëherë kanë theksuar autoritetet shëndetësore si e vetmja mënyrë për të luftuar Covid 19. Por si është situata në Itali, si e po e përjetojnë qytetarët, por edhe mjekët ata që duhet tu shërbejnë pacientëve qoftë me trajtimet përkatëse por edhe më këshilla. Për këtë do të kemi një lidhje Skype me mjeken epidemiologe Ilda Hoxhaj, e cila punon në Institutin e Shëndetit Publik Universita Cattolica del Sacro Cuore në Romë si dhe pjesë e Federatës së Mjekëve Shqiptarë në Evropë