Një ekip mjekësh vullnetarë kanë ofruar vizita falas shëndetësore për qindra qytetarë në qytete të ndryshme të Shqipërisë, kontrolle, test për diabet, tension të lartë, elektro-kardiograma etj. Të grupuar në organizatën "Albanian International Medical Team" ata po ndihmojnë së fundmi për të sjellë medikamente dhe pajisje mjekësorë për të prekurit nga tërmeti. Mjeku Mario Ademaj është president i organizatës dhe së bashku me një grup mjekësh në Amerikë po koordinojnë punën për të mbledhur medikamente dhe mjete shëndetësore të cilat do t'iu vijnë në ndihmë të gjithë atyre që kanë nevojë dhe që vuajnë pasojat që la tërmeti i 26 nëntorit.