Edhe pse tashmë Ministria e Shëndetësisë ka përcaktuar tashmë se cilat do të jenë spitalet që do të presin pacientët që do të konfirmohen pozitiv me Covid19 dhe që do të kenë nevojë për trajtim spitalor, jashtë vëmendjes publike janë lënë fëmijët edhe për shkakun ndoshta se ata konsiderohen si më pak të rrezikuar nga ky virus por pavarësisht kësaj fëmijët nuk janë imun ndaj Kovid-19 madje ka shumë raste që tregojnë se Kovid-19 ka prekur edhe këtë grupmoshë. Por a ka një protokoll që po ndiqet, për fëmijët e prekur me Kovid-19 në vendin tonë, mjedise të veçanta për ta? Si duhet të veprojë një prind nëse konstaton shenjat tipike tek të vegjlit dhe çfarë simptomash paraqesin ata të ngjashme apo në ndryshim nga të rriturit? "Ka shumë pak fëmijë të prekur fatmirësisht dhe ata që janë prekur e kanë kaluar lehtë sëmundjen, por kjo gjë nuk i përjashton ata dhe kjo gjë është menduar që në fillim të pandemisë. Është reparti infektiv i pediatrisë i cili është në protokoll për tu shndërruar për ata fëmijë do të preken nga kjo sëmundje. Njëkohësisht edhe strukturat e reaminacionit nëse do të ketë raste të rënda që uroj të mos ketë janë të përgatitura për të përballuar problemin e Kovid -19 të fëmijëve nëse do të ketë". Shenjat e para kanë qenë temperatura e lartë dhe kolla dhe frymëmarrja e lehtë. Janë po ata simptoma si tek të rriturit por më të lehta"- tha Rakacolli.